नेपालगन्ज ग्यालरीको आयोजनामा नेपालगन्जमा जारी विभिन्न पेशाकर्मीहरु बिचको मैत्रीपुर्ण फुटबल प्रतियोगितामा चौथो दिनको सेमीफाइनलका खेलहरुमा बाँके अटो मोबाइल्स एसोसियसन र नेपालगन्ज उद्योग बाणिज्य संघ विजयी भएका छन ।
भ्रष्टाचार बिरुद्ध मेरो एक गोल भन्ने मुल नारा सहित शनिबार बिहान भएको खेलमा बाँके अटो मोबाइल्स एसोसियसनले बास नेपाललाई पराजित गर्दै र नेपालगन्ज उद्योग बाणिज्य संघले कर्मचारी मिलन केन्द्र बाँकेलाई पराजित गर्दै फाइनलको यात्रा तय गरेको हो ।
सेमी फाइनलको दुवै खेल नै निर्धारित समय सक्किदा बराबरी भएपछि टाइब्रेकरमा गएको थियो र पेनाल्टी शूट आउटमा उक्त टिमहरु बिजयी भएको हो ।
नेपालगन्ज ग्यालरीको आयोजना तथा खबरगन्ज र बास नेपालको सह आयोजनामा पुष्पलाल चोकस्थित नेपाल प्रहरी विशेष सुरक्षा गण (प्रहरी ब्यायामशाला) को खेल मैदानमा बुधबार देखी प्रतियोगिता भैरहेको छ ।
पेशाकर्मीहरु बिचको मैत्रीपुर्ण फुटबल प्रतियोगिताको पाँचौं तथा अन्तिम दिन फाइनल खेल बिहान ८ बजे बाँके अटो मोबाइल्स एसोसियसन र नेपालगन्ज उद्योग बाणिज्य संघ बीच हुने नेपालगन्ज ग्यालरीका संस्थापक समिरमान श्रेष्ठले जानकारी दिएका छन् ।
