काठमाण्डु : हप्ताको पहिलो दिन आइतबारदेखि नै ओरालो लागेको नेप्से परिसूचक मंगलबार पनि घटेको छ ।
आज मंगलबार ५.०५ अंकले घटेर नेप्से परिसूचक १९९३.४२ बिन्दुमा कायम भएको छ । यसदिन बजारमा ४० लाख ६ हजार ७३९ कित्ताको खरिदबिक्री हुँदा ८६ करोड ५१ लाख २० हजार ४५२ रुपैयाँको कारोबार भएको छ ।
शेयर बजारमा भएको गिरावटसँगै कारोबार रकम समेत घट्दै गएको छ । मंगलबार बजार पुँजीकरण २९ खर्ब ८४ अर्ब रुपैयाँ रहेको छ ।
मंगलबारको कारोबारमा कुथेली बुखेरी स्मल हाइड्रोपावर सकारात्मक सर्किटका साथ शीर्ष स्थानमा छ ।
