काठमाडौँ : पछिल्लो समय कोरोना भाइरसका संक्रमित बढ्दै गएका छन् । दैनिक दुई तीनको संख्यामा बढ्दै गएका संक्रमित बिहीबार भने पाँच जनामा देखिएको छ ।
स्वास्थ्य तथा जनसंख्या मन्त्रालयले जनाएअनुसार १५० जनाको पीसीआर परीक्षण गरिएकामा ५ जनामा संक्रमण पाइएको हो ।
कोरोना संक्रमित बढेसँगै खोप लगाउनेको संख्या पनि बढ्दै गएको छ । पछिल्लो २४ घण्टामा ९ हजार ४८६ जनाले खोप लगाएका छन् ।
देशमा आँखा पाक्ने रोग र डेंगी तीव्र रुपले फैलिइरहँदा कोराना संक्रमण पनि सँगसँगै बढ्दै गएको हो ।
