नेपालगन्ज : नायिका पुजा शर्मा मंगलबार नेपालगन्जस्थित क्युएफएक्स बागेश्वरी दर्शक भेट्न पुगेकी छन् । बर्दियामा बासगढी महोत्सवमा सहभागी हुन आएकी पुजा हल सन्चालकको अनुरोधमा नेपालगन्ज पुगेकी हुन् । हलमा पस्नेबित्तिकै चलचित्र हेरिरहेका दर्शकहरु पनि बाहिर निस्किएर उनलाई हेर्न झुम्मिएका थिए ।
दुई हप्तादेखि चलिरहेको चलचित्र ‘म यस्तो गीत गाउँछु २’ अहिले देशभरका चलचित्र हलहरुमा चलिरहेको छ । पुजासँगै नेपालग्न्ज आएका निर्देशक सुदर्शन थापाले विषयवस्तु फितलो भएको सम्बन्धमा पत्रकारले सोधेको प्रश्नको भने चित्तबुझ्दो उत्तर दिन सकेनन् । कथा फरक भएपनि इमोशन उही हुने भन्दै उनले गोलमोटल जवाफ दिए ।
नायिक शर्मा र निर्देशक थापा नेपालगन्जमा दर्शक र पत्रकार भेटेर बर्दियामा महोत्सवमा सहभागी भएका थिए ।
फिल्म ’म यस्तो गीत गाउँछु २’ ले बक्स अफिसमा राम्रो काई गरिरहेको छ । अघिल्लो शुक्रबारबाट रिलिज भएको फिल्मले हाल सम्म आउँदा ६ करोडको नजिक पुगेको छ । निर्माण टिमले शुक्रबार सार्वजनिक गरेको एकहप्ते कलेक्सन रिपोर्टमा चार करोड ९५ लाखको आँकडा उल्लेख छ ।
दोस्रो हप्तासम्म आइपुग्दा फिल्मले यतीको व्यापार गरेको हो । प्रदर्शनको पहिलो दिनदेखि फिल्मले निरन्तर हाउस फुलको व्यापार गरिरहेको छ । प्रदर्शनको दुई दिनमै देशभर १ करोड ८० लाख कमाई गरेको थियो । दोस्रो हप्ताको पहिलो दिन पनि देशभरका हलहरू हाउस फुल छन् । पहिलो हप्ता जस्तै दोस्रो हप्तासम्म ६ करोड व्यापार गरिसकको छ । कोरोना महामारीयता सबैभन्दा बढी कमाई गर्ने फिल्म बनेको ‘म यस्तो गीत गाउँछु २’ लाई सुदर्शन थापाले निर्देशन तथा निर्माण गरेका हुन् । साथै फिल्मको निर्मात्री नायिका पूजा शर्मा पनि हुन् । फिल्ममा पल र पूजाका अलावा हरिहर शर्मा, दिनेश डिसी, गणेश गिरी, सोनिका रोकाय लगायतको अभिनय रहेको छ ।
