खजुरा : अंग्रेजी नयाँ वर्ष २०२३ को अवसर पारेर बाँके खजुरामा रहेको खजुरा मिनी पार्क एण्ड रिसोर्ट प्रालीले आज विशेष साँस्कृतिक कार्यक्रम सहित ‘न्यु एयर इभ’ गर्ने भएको छ ।
मिनि पार्कले यसअघिका वर्षमा पनि अंग्रेजी नयाँ वर्ष लगायतका विभिन्न पर्वहरुमा विशेष कार्यक्रमको आयोजना गर्दै आएको छ । बाँकेको नेपालगन्ज, कोहलपुरमा मात्रै हुने गरेको सास्कृतिक कार्यक्रम केहि वर्ष यता खजुरामा समेत हुदै आएको छ । सास्कृतिक कार्यक्रममा कलाकार चक्र बम, मोडेल एलिना राईमाझि र ११३ भन्दा बढी आवाज निकाल्न सक्ने कमेडियन दीपेन्द्र ओली र साथमा स्थानीय कलाकारको बेजोड प्रस्तुति रहने मिनि पार्क एण्ड रिर्सोट प्रालीका संचालक टिबी क्षेत्रीले जानकारी दिए ।
कार्यक्रमको तयारी पुरा भैसकेको संचालक क्षेत्रीले जनाएका छन । राति ७ बजे देखि १२ बजेसम्म संचालन गरिने कार्यक्रमका लागि आयोजकले ३५० प्रवेस शुल्क तोकेको छ । अधिकाशं टिकट दविक्रि भैसकेको र केहि संख्यामा मात्र बाँकी रहेकाले समयमै टिकट लिनका लागि संचालक क्षेत्रीले दर्शकहरुलाई आग्रह समेत गरेका छन ।
