बाँकेको राप्ती सोनारी –६ स्थित पनेरीया खेल मैदानमा सम्पन्न सामुदायीक वन उपोभोक्ता समिति स्तरिय फूटबल प्रतियोगिताको उपाधि सिद्धेश्वर सामुदायीक वन उपोभोक्ता समितिको समुह ए ले हात पारेको छ । आइतबार भएको फाइनलमा राप्ती पिडित गुलरी सामुदायीक वन उपोभोक्ता समितिलाई २–१ गोल अन्तरले हराउदै सिद्धेश्वरले २५ हजार बराबरको ४५ किलोको खसी र प्रमाणपत्र प्राप्त गरेको हो ।
उपविजेता बन्दै राप्ती पिडित गुलरी सामुदायीक वन उपोभोक्ता समितिको टिमले १५ हजार रुपैँया बराबरको २८ किलोको खसी र प्रमाणपत्र प्राप्त गरेका छन् ।
प्रतियोगितामा राजकुमार थारु उत्कृष्ट खेलाडि बनेका छन् । उनले २ खेलमा ६ गोल हानेका थिए । यस्तै राप्ती पिडित सामुदायीक उपोभोक्ता समितिका किसन थारु उत्कृष्ट किपर बन्न सफल भएका छन् । उनीहरु दुबैले नगद ५÷५ हजारका दरले पुरस्कार प्राप्त गरेका छन् ।
प्रतियोगिता सम्पन्न भइसकेपछि आयोजित समापन कार्याक्रममा विजेताहरुलाई राप्ती सोनारी गाँउपालिकाका अध्यक्ष तप्त पौडेल, वडाध्यक्ष लवराज खरेल, वडा ४ र ५ का अध्यक्ष, कार्यपालिका सदस्य, वडा सदस्य लगायतले पुरस्कार तथा प्रमाण पत्र वितरण गरेका थिए ।
शुक्रबारदेखि सुरु भएको प्रतियोगितामा १० टिम सहभागि भएका थिए । ‘स्वास्थ्यका लागि खेलकुद राष्ट्रका लागि खेलकुद’ भन्ने मुल नाराका साथ दिपावली तथा छठ पर्वको अवसरमा वडाले प्रतियोगिताको आयोजना गरेको हो । वडामा ५ वटा सामुदायीक वन रहेकोमा एउटा वनबाट २ वटा टिम सहभागि थिए ।
कार्यक्रममा वडाका अन्य खेलाडिहरुलाई पनि सम्मान गरिएको छ । विभिन्न प्रतियोगितामा वडाबाट स्वर्ण पदक जित्न सफल खेलाडिहरुलाई पनि सम्मान गरिएको हो । सम्मान हुनेमा १४ औँ राष्ट्रपति रनिङ शिल्ड प्रतियोगिताका १० जना स्वर्ण पदक विजेताहरु रहेका छन् । सिद्धेश्वर माविका ९ जना र नेपाल राष्ट्रिय मावि गुलरीका १ जना गरि १० जना खेलाडिले वडाको नाम राख्न सफल भएकाले सम्मानीत गरिएको हो । यससंगै जिल्ला खेलमा स्वर्णपदक विजेतालाई पनि सम्मान गरिएको छ ।
शनिबार सम्पन्न पहिलो खेलमा राप्तीपिडित गुलरी सामुदायीक वन उपोभोक्ता समितिले जित हासिल गरेको छ । सिद्धबाबा सामुदायीक वन उपोभोक्ता समितिको बि ग्रुपसंग भएको खेल बराबरीमा टुंगीएको थियो । पेनाल्टी पाएको गुलरिले १–० ले सिद्धबाबा बि लाई हराउदै विजयी भएको हो ।
यस्तै दोश्रो खेलमा राप्ती पिडित टेपरी सामुदायीक वन उपोभोक्ता समितिले जित हासील गरेको छ । राप्ती पिडित टेपरीले सदावहार सामुदायीक वन उपोभोक्ता समिति ए लाई ७–० गोल अन्तरले पराजित गरेको हो ।
शनिबार भएको अर्को खेलमा राप्ती पिडित गुलरी सामुदायीक वन उपोभोक्ता समिति विजयी भएको छ । सिद्धेश्वर सामुदायीक वन उपोभोक्ता समितिको ग्रुप बी लाई २–० ले हराउदै राप्ती पिडित गुलरी विजयी भएको हो ।
र शनिबार भएको अन्तिम खेलमा सिद्धेश्वर सामुदायीक वन उपोभोक्ता समिति ए विजयी भएको छ । राप्ती पिडित टेपरी सामुदायीक वन उपोभोक्ता समितिसंग भएको खेलमा १–० ले हराउदै सिद्धेश्वर ए विजयी भएको हो ।
आज आइतबार पहिलो खेल विहान ८ बजेदेखि सुरु हुने वडाध्यक्ष लवराज खरेलले बताए । उनका अनुसार पहिलो खेल सिद्धेश्वर सामुदायीक वन उपोभोक्ता समिति ए र सदावहार सामुदायीक वन उपोभोक्ता समिति ए विच हुने छ ।
