नेपालगन्ज : खजुरा गाउँपालिकाले ६ दिन सम्म नि:शुल्क आँखा शिविर गर्ने भएको छ । गाउँपालिकाले एक सुचना जारी गर्दै शिविर सन्चालन गर्ने जनाएको हो । हरेक वडाका जनतामाझ स्वास्थ्य सेवाको पहुच पुगाउने उदेश्यले गाउँपालिकाले शिविरको आयोजना गरेको गाउँपालिकाका प्रमुख प्रशासकिय अधिकृत नृपराज उपाध्यायले जानकारी दिए ।
भाद्र २६ देखि ३१ गतेसम्म सन्चालन गरिने प्रमुख प्रशासकिय अधिकृत उपाध्यायले जनाए । २६ गते स्वास्थ्य चौकी राधापुर, २७ गते स्वास्थ्य चौकी सितापुर, २८ गते खजुरा अस्पताल, २९ गते स्वास्थ्य चौकी उढरापुर, ३० गते स्वास्थ्य रनियापुर र ३१ गते स्वास्थ्य चौकी सोनपुरमा शिविर सन्चालन गरिने गाउँपालिकाले जनाएको छ । शिविरका लागि नेपालगन्जमा फुल्टेक्रामा रहेको फत्तेवाल आँखा अस्पताल संग सहकार्य गरिएको गाउँपालिकाका उपाध्यक्ष मन्जु मल्लले जानकारी दिइन ।
