नेपालगन्ज : मेघा बैंक नेपाल लिमिटेड नेपालगन्ज क्लस्टरले मानवसेवा आश्रमलाई खेलकुद तथा मनोरन्जनका सामग्री प्रदान गरेको छ । बैंकले आफ्नो सामाजिक उत्तरदायित्व अन्तरर्गत आश्रममा आश्रितहरुलाई उक्त सामाग्री प्रदान गरेको हो । बैंकको नेपालगन्ज क्लस्टरले क्यारमबोर्ड, व्याडमिन्टन, टेबलटेनिस, चेस, लुडोका साथै मादल, बासुरी र अन्य बाजाका सामाग्रीहरु प्रदान गरेको हो । आश्रममा आश्रितहरुलाई समय विताउन सहज होस भनेर उक्त सामग्री प्रदान गरिएको मेघा बैंक नेपाल लिमिटेड नेपालगन्ज क्लस्टरका प्रमुख सरद अधिकारीले जानकारी दिए । बैंकको क्लस्टर अन्र्तगतका शाखाहरु केहलपुर, कारकांदो, बासगढी, नेपालगन्ज र गेरुवाका प्रमुखहरु त्था अन्य कर्मचारीहरुको उपस्थिती रहेको थियो । बैंकले समय समयमा सामाजिक उत्तरदायित्व बहन गर्दै सामाजिक कार्यहरु गर्दै आएको छ । आगामि दिनहरुमा पनि सामाजिक कार्यमा बैंकले अग्रणी भुमिका निभाउने नेपालगन्ज क्लस्टरका प्रमुख अधिकारीले प्रतिबद्धता व्यक्त गरे ।
