गायक खुमन अधिकारी र गायिका शिलु भट्टराईको आवाज रहेको यस बर्षको तिज गीत सार्वजनिक भएको छ । विक्रम बाबु विश्वकर्माको शब्द तथा गायक खुमन स्वयंको लय सृजना रहेको ‘मायालाई सुहायो’ बोलको गीत यूएस खबर नेटवर्कको यूटुव च्यानल मार्फत सार्वजनिक भएको हो ।
शुक्रबार काठमाडौंको शुकेधारा स्थित एशियन पार्टी प्यालेसमा छायांकन भएको यस गीतमा चर्चित मोडल शंकर बिसी र कविता न्यौपानेको अभिनय रहेको छ । कलाकार शंकर बिसी स्वयंकै कोरियोग्राफी तथा निर्देशनमा निर्माण भएको यस भिडियोलाई दुर्गा पौडेलले छायांकन गरेका हुन् भने सम्पादन नविन घर्ति मगरको रहेको छ ।
अमेरिका निवासी सामाजिक अभियन्ताद्वय सन्देश उप्रेती निर्माता र गुञ्जन भण्डारी कार्यकारी निर्माता रहेको यस गीतको भिडियोलाई अमेरिकाबाट पनि प्रचारप्रसारमा सहयोग पुग्ने देखिन्छ ।
