संजय आचार्य
बर्दिया, साउन : यार्सागुम्बा सहित १ जना व्यक्तिलाई ससस्त्र प्रहरी बल बर्दियाको गस्ती टोलिले पक्राउ गरेको छ ।
ससस्त्र प्रहरी बल बर्दियाको गस्ती टोलिले करीब ३९ लाख बराबरको १ किलो ४सय ग्राम यार्सागुम्बा सहित १ जना व्यक्तिलाई पक्राउ गरेको छ ।
गुलरीया नगर पलिका वडा नं. १२ बस्ने अन्दाजी ३० वर्षीय कमाल अहमद खां लाइ १ किलो ४ सय ग्राम यार्सागुम्बा सहित पक्राउ गरेको ससस्त्र प्रहरी बल बर्दियाका डि एस पी शंकर तिवारी ले बताउनु भएको छ ।
स.प्र.ब.ह बिशेश्वर सिंह थारुको कमाण्डमा खटिएको टोलीले गुलरीया नगर पलिका वडा नं. ११ गणेशपुर नजिक बाट पत्राउ गरेको हो । पक्राउ परेका खां लाइ यार्सागुम्बा सहित डिभीजन बन कार्यालय बर्दियालाइ बुझाएको सशस्त्र प्रहरी बल नेपाल नं. ३१ गण हे.क्वा.बर्दियाले जनाएको छ ।
भारतसँग खुल्ला सीमा नाकाका कारण लागु औषध ओसारपसारको घटना बढ्न थालेपछि सीमावर्ती क्षेत्रमा प्रहरीले सक्रियता बढाएको छ ।
