कोहलपुर नगरपालिकाले प्रदान गर्ने सेवा तथा सुविधाको प्रभावकारिता बिषयक सार्वजनिक सुनुवाई कार्यक्रम बिहिबार सम्पन्न भएको छ ।
सुनुवाइमा सहभागिहरुले सडक, बाटोघाटो, नाला तथा ढल निकास, लक्षित वर्ग केन्द्रित कार्यक्रम, शिक्षा, स्वास्थ्य लगायतका विषयमा सरोकावालाहरुलाई प्रश्न गरेका थिए । सहभागिहरुले गरेको प्रश्नको जवाफ दिदै नगर प्रमुख पुर्ण प्रसाद आचार्यले आगामी ५ वर्षे कार्यकालमा नगरवासीहरुलाई अनुभुती हुने गरी काम गर्ने प्रतिबद्धता गरेका थिए । सहभागिहरुले गरेको प्रश्नको उत्तर दिदै आगामी दिनमा अधुरा रहेका कामहरु पुरा गर्ने गरी लागि पर्नेे प्रमुख आचार्यले बताए । सुनुवाईमा विभिन्न ८ बुदें साझा सार्वजनिक प्रतिबद्धताको घोषणा गरिएको छ ।
नागरिकहरु र जनप्रतिनिधि बिच भएको प्रश्नोत्तर पछि घोषणा गरिएका प्रतिबद्धताहरुमा नगरपालिकाबाट सञ्चालन गरिने सिपमुलक तालिमलाइ थप प्रभावकारी र नतिजामुखी बनाउन नगर कार्यबिधि बनाइ बिधि र प्रक्रियामा रहि सिटिइभिटि अनुसारको मान्यता प्राप्त गर्ने गरी तालिम सञ्चालन गर्ने र मापदण्ड पुगेका संस्थालाई मात्र तालिम सञ्चालन अनुमती दिने, नगरपालिका क्षेत्रभित्र खानेपानीको चरम समस्या रहेको भन्ने जनगुनासो आएकाले खानेपानी संस्थानसंग समन्वय गर्ने, बिभिन्न क्षेत्रमा बाटो तथा ढल निकासको समस्या रहेकोले सो विषयलाई प्राथामिक्तामा राखी कार्य गर्ने, आम नगरवासीहरुलाई दक्षता अभिबृिद्ध बनाउन बजार माग अनुसार सिपमुलक तालिम प्रदान गर्ने, सहभागितामा आधारित कार्यक्रम तर्जुमा गरी कार्यान्वयन गर्ने, किशोरीहरुको स्वास्थ्यलाई ध्यानमा राखी गुर्णस्तरिय शिक्षा प्रबद्र्धन गर्न सामुदायिक तथा निजि विद्यालयमा सेनीटरी प्याड उपलब्ध गर्ने, मैटहवा मा.वि.को निर्माणधिन भवन निर्माणमा बिबिध कारणले ढिलासुस्ती भएकोमा सम्मानित अदालतको फैसलालाई आधार मानी निर्माण कार्यलाइ अगाडी बढाउने र सोहि विद्यालयमा रहेको तालको ब्यवस्थापन गर्ने, आम नागरिकको चासोलाइ प्रभाव पार्ने कार्यक्रम तथा सार्वजनिक चासो रहने नगरको प्रत्येक कार्यक्रममा आम नागरिकको सहभागिता सुनिश्चित गर्ने र सार्वजनिक सुनुवाइलाई नियमित गर्ने, लगायतका प्रतिबद्धता रहेका छन् ।
यसरी गरिएका सझाँ सार्वजनिक प्रतिबद्धताहरुमा सुनुवाईमा सरोकारवालाको रुपमा आसिन कोहलपुर नगरपालिका प्रमुख पुर्ण प्रसाद आचार्य, उपप्रमुख संगिता सुवेदी, प्रमुख प्रशासकिय अभिकृत टिकाराम ढकाल, वडा अध्यक्षहरु र नगर कार्यपालिका सदस्यहरुले हस्ताक्षर गरेका थिए ।
