नेपालगन्ज : मध्य तथा सुदुर पश्चिम अटो मोबाईल एसोसिएसन नेपाल (नाडा) नेपालगंज च्याप्टरद्वारा बाँकेका जनप्रतिनिधि सगं भेटघाट गरेको छ । नव निर्वाचित जन प्रतिनिधिहरुलाई भेट गरि बधाई र कार्यकाल सफलताको सुभकामना दिएको नाडाले आफ्ना व्यवसायिक समस्याहरुपनि राखेको थियो । नवनिर्वाचित जन प्रतिनिधिको पदवहालीको अवसरमा नाडाले भेटघाट सहित सम्मान गरेको नाडाका महासचिव प्रकाश अधिकारीले जानकारी दिए ।
नाडाका उपाध्यक्ष तथा कार्यवाहक अध्यक्ष नरेन्द्र वली, महासचिव प्रकाश अधिकारी, सचिव जगदीश भट्ट, सदस्य प्रकाश पौडेल, कृष्ण श्रेष्ठ, प्रकाश सिंह राठौर लगायतको टिमले नव निर्वाचित जन प्रतिनिधिहरुलाई भेट गरेका हुन । भेटमा मायाको चिनो समेत प्रदान गरिएको महासचिव अधिकारीले बताए ।
भेटका अवसरमा विद्यमान अटो मोबाइल्स सम्बन्धी समस्या पार्किङ्ग, परिक्षण ड्राइभिङ, चेकिङ्ग आदि समस्या र उपलब्ध जनशक्ति विदेसिने , भन्सार जाँचपासमा झण्झट लगाएतका विषयमा ध्यान पुगाउन अनुरोध गरिएको थियो ।
भेटघाट तथा सोहि क्रममा भएको छलफलमा अटो मोबाइल्स व्यवसाय र यसका समस्याका बारेमा जनप्रतिनिधिहरुले उत्सुकता पुर्वक चासो लिएको र आफू यसबारे जानकार रहेकोले पालिका स्तरबाट गर्न सकिने सबै सहयोग गर्ने प्रतिबद्धता ब्यक्त गरेका थिए ।
