नेपालगन्ज : बाँके जिल्ला फुटबल संघले चुनावी साधारण सभा र जिल्ला लिग फुटबल गर्ने निर्णय गरेको छ । बाँके जिल्ला फुटबल संघका अध्यक्ष भोजराज शाहीका अनुसार फागुन २१ गते नयाँ नेतृत्व चयन गर्ने गरी चुनावी साधारण सभा गर्ने निर्णय भएको छ ।
साधारण सभामा बाँके जिल्लाका १२ वटा क्लबका प्रतिनिधि तथा फुटबल कर्मीले चुनावी साधारण सभामा भाग लिनेछन् । यसैगरी जिल्ला लिग फुटबल फागुन १४ गतेदेखी गर्ने निर्णय भएको अध्यक्ष शाहिले बताए । जिल्ला लिगमा ११ क्लबले प्रतिस्पर्धा गर्नेछन् । उनले भने, ‘जिल्ला लिग फुटबल र चुनावी साधारण सभा हाम्रो संघका लागि महत्वुर्ण कुरा हुन ।
यसअघि कोभिडको कारण यी कुराहरु गर्न सकिएको थियो । अवस्था सहज भएपछि हामीले गर्ने निर्णय गरेका हौं । यसले बाँकेको फुटबललाई गतिशिल बनाउन सहयोग गर्ने हाम्रो विश्वास छ ।’
