नेपालगञ्ज : बाँकेको जानकी गाउँपालिकाको अध्यक्षमा नेपाली कांग्रेसका छब्बन खाँले मतान्तर बढाउँदै लगेका छन् । उनी ७७१ मतान्तरका साथ अग्रस्थानमा छन् ।
हालसम्म ५५९५ मत गणना हुँदा खाँले १९३१ मतका साथ अग्रता कायमै राखेका हुन् । अहिले एमालेका हिमान्शु यादव दोस्रोमा आएका छन् । उनले ११६० मत पाएका छन् । जसपाका राजिब बर्मा तेस्रो स्थानमा रहँदै १०३२ मत पाएका छन् ।
यस्तै उपाध्यक्षमा पनि कांग्रेसकै रामप्यारी यादवले १९८४ मत ल्याएकी छिन् । नेकपा माओवादी केन्द्रका रक्षाराम बर्माले १०७८ मत र एमालेकी भूमिसरा धितालले ७४२ मत पाएकी छिन् ।
