खजुरा : हरेक निर्वाचनमा चीरपरिचित अनुहार पाँच दशकदेखि निरन्तर राजनीतिमा सक्रिय ब्यक्ति जसलाई चार दशकदेखि मतदाताले बिश्वास गर्दै आएका छन् । अतिउल्ला खाँ को परिचय नै प्रधानको रुपमा रहेको छ । ६२ बर्षिय खाँ लाई नेकपा एमालेले यसपटक फेरी खजुरा गाउँपालिका वडा नम्बर ७ को वडाध्यक्षको उम्मेदवार बनाएको छ ।
२०३८ सालमा २१ वर्षको कलिलो उमेरमा साविक सोनपुर गाउँ विकास समितिको उपप्रधान पञ्चमा विजयी हुनुभएका खाँ २०४३ सालमा भएको निर्वाचनमा प्रधान पदमा उम्मेदवार भएपनि पराजित हुनुभयो । वहुदलीय ब्यवस्थाको स्थापनापछि २०४९ र २०५४ सालमा भएको स्थानीय निर्वाचनमा सोनपुर गाविसको अध्यक्षमा विजयी हुनुभएका खाँ २०७४ सालमा भएको स्थानीय तहको निर्वाचनमा नेकपा एमालेबाट वडा अध्यक्षमा विजयी हुनुभयो ।
“ जनताको हरेक सुखदुखमा साथ दिदै आउँदा हरेक निर्वाचनमा जनताको साथ पनि प्राप्त हुने गरेको छ , खाँ भन्नुहुन्छ,– म गाउँमै बस्छु, गाउँलेका पीरमर्का बुभ्mछु जसले मलाई जनतासँग नजिक बनाएको छ । राजनीतिक पृष्ठभूमी भएको ठुलो परिवार नै अतिउल्लाको निरन्तर विजयी हुने प्रमुख कारण रहेको स्थानीयको भनाई छ ।
गाउँपालिका प्रमुखको दावेदार भएपनि युवालाई नेतृत्व दिनुपर्ने सोच राखेर आफु पुःन वडा अध्यक्षको निर्वाचनमा प्रतिष्पर्धामा उत्रिएको खाँको भनाई छ । मधेसी तथा मुस्लिम समुदायको बाहुल्यता रहेको सोनपुरलाई शिक्षा, स्वास्थ्य र पूर्वाधार विकासमा महत्वपूर्ण काम गरेको खाँको भनाई छ ।
