नेपालगञ्ज : स्थानीय तह निर्वाचनका लागि नेकपा एमालेले खजुरा गाउँ पालिकामा विशाल प्रदर्शनसहित मनोनयन गरेको छ । अध्यक्षका उम्मेदवार सुमन मल्ल र उपाध्यक्षका उम्मेदवार ताजरुन निशा सहित वडा अध्यक्ष, सदस्यका उम्मेदवार तथा पार्टीका नेताहरुको सहभागिता रहेको थियो । उम्मेदवारी मनोनयनमा देखिएको सहभागिताले उत्साहित बनाएको अध्यक्षका उम्मेदवार मल्लले बताउनुभयो ।
एमालेका अनुसार नेपालगञ्जमा प्रमुख पशुपतिदयाल मिश्रा र उपप्रमुख शान्ति ढकाल, कोहलपुरमा प्रमुख खिलप्रसाद भुसाल र उपप्रमुखमा अस्मिता चौधरी, बैजनाथ गाउँपालिकामा अध्यक्ष घननाथ खनाल र उपाध्यक्ष प्रेमपूर्ण योगी, जानकीमा अध्यक्ष हिमांशु यादव र उपाध्यक्ष भूमिसरा धिताल, राप्तीसोनारीमा अध्यक्ष रामदाष थारु र उपाध्यक्ष चमेली बाकवल, डुडुवामा अध्यक्ष सरोजकुमारी यादव र उपाध्यक्ष शकील अहमद खाँ तथा नरैनापुरमा अध्यक्ष पदमावती यादव र उपाध्यक्ष रामकुमार दिक्षित एमालेका उम्मेदवार रहनुभएको छ ।
खजुराको उम्मेदवारी दर्ता गर्दा जादाका केहि तस्बिरहरु :
