नेपालञ्ज : बाँकेको खजुरा गाउँपालिकाका लागि एमाले क्लवका उमेदवार सुमन मल्लसँग खजुराका युवाले साथ दिने भएका छन् । आज खजुरा व्याडमिन्टन क्लवले आयोजना गरेको कार्यक्रममा अध्यक्ष पदका उमेदवार मल्ललाई स्वागत सम्मान गरेका हुन् ।
क्लवका अध्यक्ष भक्त गोदारले विकासका लागि लाग्ने युवालाई सदैव साथ दिने उल्लेख गरेका थिए । सुमन मल्ल वडा नम्बर १ का वडा अध्यक्ष भएर खजुरामा उल्लेख विकासका काम गरेर चर्चामा छन् । खजुरा गाउँ पालिकाको अध्यक्ष पदमा निर्वाचनमा भाग लिने भएपछि मल्लको चर्चा चुलिएको हो । युवा माझ अझ धेरै लोकप्रिय मल्लले युवाहरुलाई भेट्दै खजुरालाई ‘फिट खजुरेली ’ बनाउन चाहेको बताउनु भयो ।
‘फिट खजुरेरी ’ बनाउन सोही अनुसार प्रतिबद्धता पत्र समेत बनाउन लागेको उल्लेख गर्नुभयो । क्लवले निर्माण गरिरहेको कर्वडहलको निर्माण सम्पन्न गर्न आफुले सक्ने सहयोग समेत गर्ने प्रतिवद्धता व्यक्त गर्नुभयो । ‘फिट खजुरेली’ भन्ने नारालाई सार्थक बनाउन खजुराका जनताले आफुलाई निर्वाचित गराउनेमा विस्वस्थ रहेको उहाँले बताउनुभयो ।
